حفلات الزفاف النهارية للتغلب علي الحظر

 

 

 
تعد هذه الفترة هي موسم الأفراح، نظرا لوجود أجازة الصيف و ملائمة الجو إلى حد ما .

و يواجه الكثيرون من المقبلين على الزواج أزمة بسبب مسألة الحظر و التي رغما عنهم تحدث ارتباكا في مواعيد الأفراح، فبعض القاعات قامت بإلغاء الأفراح نظرا لعدم توفر إمكانية تغيير جدول المواعيد .

و تخطت قاعات أخرى أزمة الحظر بتبكير مواعيد الأفراح، حتى تقام كل الفقرات كاملة دون تأخير المعازيم و إمكانية وصولهم إلى منازلهم قبل موعد الحظر، فبعض المواعيد تكون نهارية من الساعة الـ 12 ظهرا، و المسائية منها من الساعة الـ 6 ونص حتى الـ 10 مساءا.

و تمكنت بوابة أخبار اليوم من رصد بعض الآراء بخصوص هذا الموضوع و كانت كالتالي :

قالت “سارة سعيد” أنا كنت قلقانة جدا من مواعيد الحظر عشان فرحي ميتلغيش لأنها ليلة في العمر، بس الحمدلله معاد الحظر بقى متأخر وفي نفس الوقت القاعة اللي هعمل فرحي فيها خلت الفرح من الساعة 6 لحد الساعة 10، صحيح هيبقى في أزمة في مواعيد تانية بالنسبالي زي الكوافير و استوديو التصوير بس هو يوم بقى و لازم افرح يعني لازم افرح.

و علقت “أميرة عاطف” عادي جدا و لا أي اندهاش، أنا عملت خطوبتي في القاعة من الساعة 4 لحد الساعة 7، و اليوم كان لطيف و حتى حسيت إني مختلفة و يومي مختلف عن أي عروسة تانية..

و قال “ياسر” الفرحة مبتستناش حد يا إما تفرح يا إما بقى تفضل كئيب، و الله لو الفرح في الشارع حتى مش هتفرق، الفرحة مالهاش مكان و لا محددة بوقت معين، لكن أنت اللي بتقدر تصنعها.

و شارك “مروان” بصراحة الحظر عمل أزمة كبيرة، و رأيي الشخصي إن يتلغي الفرح و خلاص، و الفلوس هما أولى بيها، و لو حابك معاهم يعملوا فرح اوي ممكن يعملوه بعد الجواز لما الحظر يخلص عادي، بس ده لو القاعات فيها امكانية تأجيل الفرح، لكن لو فرح الصبح معتقدش إنه هيبقى حلو في قاعة هيبقى أحلى لو في مكان مفتوح، بس بصراحة لو أنا في الموقف هفرح بأي شكل.

و أجمعت باقي الآراء على أن الحظر لم يمنع المقبلين على الزواج من الاستمتاع بفرحتهم، و أنهم مصرين على قضاء ليلة زفافهم بكل سعادة لأنها بكل اختصار “ليلة العمر”.

 

اخبار اليوم