شهادتى عن تالت زيارة لرابعة العدوية

شهادتى عن تالت زياة لرابعة اول زيارة كانت بعد مذبحة احرس الجمهورى والتانية بعد مذبحة المنصة و وروحت رابعة امبارح اقابل ناس صحابى هناك ..
1- الاخوان عاملين متاريس فى المنطقة المحيطة برابعة من طوب الارصفة والرمل وفعلا متاريس قوية جدا جدا وتصعب من معة اى قوة انها تخش الاعتصام
2- الاعداد امبارح كانت اقل من اليومين اللى روحتهم قبل كدة وعدد السيدات اقل بكتير جدا جدا من الايام اللى فاتت ..
3- لاول مرة المس حالة من اليائس على وشوش الناس اللى هناك خاصة اللى شكلهم جى من المحافظات والاقاليم او ممكن يبقى تعب او ارهاق من طول مدة الاعتصام .بس على العكس معظم شباب الاخوان او السلفيين عندهم روح اعلى واكبر واصرار ان مرسى راجع ,,
4- فى ناس عاملين داتا شو زى عسكر كاذبون اللى كنا عاملينها وبتعرض لقطات للى حصل فى الحرس وعند المنصة وشهادة حث قدام ربنا فى خلال السنتين ونص اللى فاتو انا ماشوفتش لقطات وبشاعة وكمية قتلى زى اللى شوفتها فى فيديوهات امبارح .
5- حوار ان الاخوان عاملين ملاهى والكلام دة اى هرى فى اى هرى هما كل الموضوع ان فى حد جايب مرجيحة على شكل حصان ( سيسى ) وفى اطفال حوليها راكبينها بس المرجيحة مكسرة وحالتها صعبة ..
6-من كلامى مش امباره بس لا كل مرة اروه فيها رابعة احس ان الخطر لسسة ماجاش وان الخطر اللى جى اكبر شباب مشحونة وكل يوم عن التانى وللاسع اى محاولة للعنق معاهم هاتوصل لكارثة ..
7 – فى اجمع من معظم شباب السلفيين او شباب الاخوان ان المنصة سبب بلاوى كتير ومش راضين عنها وهن اسلوب ادارتها ..
8 – كداب اللى يقول ان الجيش او الدخلية ممكن يفض الاعتصام من غير دم المنظر اللى انا شوفتة امبارح من متاريس وتائمين يقول ان اى حد عاوز يخش الاعتصام مش هاينفع الا بدم ودم كتير جدا جدا للاسف ..
9- التصوير جوة عادى جدا جدا وفى مصورين كتير جدا مصريين على عكس لما روحت قبل كدة الى كان فى كتير من المصورين الاجانب ,,
10 – اللى متخيل ان اللى تحت هايقبلوا بصفقة يبقوا بيضحكوا على نفسهم ,,وماحدش بقولى الحل اية حتى لو كان الحل الدم وفى ناس رضيت بية ( انا مش منهم ) احب قول ان لو حصل محاولة فض وفشلت احب اقول ان دة معناة عودة مرسى وانقلاب الامور رائسا على عقب ,.
11 – ااة نسيت ابن الشاطر وابن مرسى موجدين فى الاعتصام قاعدين مع بعضهم
للاسف كل يوم الصورة بتزداد تعقيد وللاسف ماحدش عندة حل كل واحد راكب دماغة وماشى .. لينا ربنا هو اللى يحلها لا سيسى ولا برادعى ولا مرسى

تامر سعيد