طرقاً مختلفة لتصنيع الصابون يدوياً

ارتفاع أسعار المنظفات جعل الكثير من ربات البيوت يبحثن عن بدائل متاحة وبسيطة وموفّرة، أهمها تصنيع الصابون السائل والقطع يدوياً من خلال الطرق الكثيرة المنتشرة على مواقع التواصل الاجتماعى لسيدات خُضن التجربة ونجحت.

الصابون من الاحتياجات التى لا غنى عنها داخل البيوت، لكن أمام ارتفاع الأسعار، بحثت أمل حسن، 50 عاماً، عن البديل الأوفر من خلال صناعته فى المنزل: «باروح لأى بتاع منظفات وأقول له عايزة خلطة صابون نص كيلو بتعمل لى 4 لتر من الصابون.. يعنى يا بلاش»، والمكونات التى تحتاجها أى سيدة لتصنيع نصف كيلو صابون «زيت صابون، بوتاس، لون، جلسرين»، ولا يكلف أكثر من 10 جنيهات.

تخلط «أمل» مكونات الصابون مع 4 لترات من المياه، فى أحد الجرادل الكبيرة، ثم تقوم بتعبئته فى زجاجات بلاستيكية وتحتفظ به: «بيقعد عندى أكتر من شهرين.. باعمله على طول فى البيت وأنا واقفة، مابياخدش 10 دقايق وأكون مخلصة»، وجدت «أمل» من خلطات الصابون السائل طوق النجاة، لتجنّب ارتفاع أسعار الصابون الجاهزة.

«بعد ما باقلى البانيه أو البطاطس.. مابرميش الزيت باشيله لحد ما يبقى لتر ونص، ومن بتاع المنظفات باجيب بوتاس وكوباية دقيق وميه».. كانت إحدى الوصفات التى تستخدمها أسماء حلمى، لعمل قطع من الصابون الصلب: «جردل بلاستيك وأحط فيه الزيت.. وشفشق فيه الميه والبوتاس ونحطهم على الزيت وندوبهم وبعدين الدقيق.. وآخر حاجة بعد ما يتقل، بجيب صينية عليها كيس بلاستيك وأصب فيه المكونات وأحطه فى مكان هوا لتانى يوم»، فى اليوم التالى تقوم بتقطيعه إلى قطع مستطيلة: «بعدين أستخدمه فى غسل الهدوم على إيدى.. وده منتهى التوفير».

كما أن لبواقى قطع الصابون الصغيرة أهمية، حيث تعتمد عليها شاهيناز الزهيرى، فى صناعة قطع أخرى تُستخدم للوجه واليدين، بدلاً من شراء قطع صابون الوجه التى تتراوح أسعارها بين 5 و18 جنيهاً: «باغلى الصابون فى شوية ميه، ولما تفك بتتقل باقلب بس مش كتير علشان ماتعملش رغاوى وأزود الميه، ولما تتقل أنزلها من على النار وتبرد وأحط شوية زيت زيتون أو جوز أو لوز، وأى زيت وشوية ماء ورد وشوية صغيرين أى لون ونوع برفان وباصبه فى أشكال سيليكون وأحطه فى الفريزر، ولما تمسك قوى طلعيها وفضيها وعبيها فى علبة».

تصنيع الصابون