لا أحد يملك الحديث باسم الشعب المصرى..

لجنة من شباب وبنات الحركة معظمهم درسوا قانون وهيجمعوا الاقتراحات اللي عليها أغلبية او تكرار كبير لأنها كدة تبقى بتعكس رأي واضح في الشارع.

2- الاقتراحات دي هتروح فين؟!

الاقتراحات دي هتتسلم للجنة الخمسين رسميا عن طريق عضوي تمرد داخل اللجنة محمد عبد العزيز مسئول الاتصال السياسي بالحركة ومحمود بدر المتحدث الرسمي باسمها.

3- أيه الهدف من الحملة ما تسيبوا اللجنة تشتغل؟!

الهدف من الحملة أننا نساعد اللجنة تشتغل وننقل لها رأي الشعب لأن الشعب هو صاحب السيادة وفقاً للمبادئ الدستورية.. الدستور عقد اجتماعي والعقد ده بيكتبه وكيل عن الشعب “زي المحامي كده في العقود القانونية” لكن لازم الموكل “الشعب” يقول رأيه في العقد “الدستور”… هدفنا أن لجنة الخمسين تكتب دستورا بيعبر عن الشعب بشكل حقيقي.

4- طيب الشعب معظمه لا يعلم شيئاً عن الدستور معقولة الناس البسيطة دي تساعد في كتابة الدستور؟!
الشعب المصري عظيم.. بسيط ممكن.. لكنه مش جاهل.. وإحنا اثناء جمع التوقعيات لولا اهلنا البسطاء في القرى والنجوع آمنوا بالفكرة وطبعوا الاستمارات بوعي مكانتش تمرد نجحت طبعا.. الفضل في 30 يونيو لربنا ثم الشعب.. وكتير جدا أبسط مواطن بيقول أفكار ربما أحسن من أعظم مثقف.. احنا مقتنعين ان الشعب هو القائد والمعلم ونرفض أي حد يتعالى على الشعب المصري او يتكبر عليه.

5- انتوا بتتكلموا باسم الشعب ليه ؟!

لا أحد يملك الحديث باسم الشعب.. احنا بنحاول نساعد قطاعات من الشعب المظلومة انها توصل صوتها.

6- دوركم انتهى ؟!

بعد كل اللي فات ده وتقولي انتهى.. قولنا مقترحاتك في الدستور كمواطن عشان نساعد في توصيلها بقى.

وأشارت الحركة إلى أنها ستعلن خلال ساعات عن طرق تجميع استمارات حملة “اكتب دستورك” وكيفية التطوع بها .

صدى البلد