النشرة المرورية الصباحية لمدينة القاهرة

صباح الفل عليكم يا قاهرييـن
معادكم مع نشرة ( 10 ) صباحاً.. ريزو بيقولك:

نبدأ بـ كوبرى 6 أكتوبر:
إتجاه مدينة نصر من المهندسين زحمة جداً.
إتجاه المهندسين من مدينة نصـر للتحرير جميل.
و شارع رمسيس من وسط البلد للعباسية صعب و العكس من العباسية لوسط البلد شغال.
نفق الأزهر من وسط البلد لصلاح سالم زحمة و من صلاح سالم لوسط البلد لذيذ.

خدوا بالكم مدينة نصر زحمة جداً بسبب قفل ميدان رابعة
و ميدان التحرير كمان مقفول

نطلع على الأوتوستراد :
زحمة في الأتجاهين بسبب اغلاق محيط ميدان رابعة.

كورنيش النيل من الزراعي لأركاديا و من الدائري للمعادي و من الدائري لوسط البلد زحمة غير كده الكورنيش ماشي تمام.

نعدي على صلاح سالم:
من العباسية زحمة أوي لحد المطار.

و اتجاه العباسية من المطار لكوبري أكتوبر زحمة.

نروح على الدائري:
ماشي حلو في الاتجاهين بس للأسف الحلو مايكملش الدائري بيكونزحمةجداً من الزراعي لنفق السلام بسبب حادثة.

نختم بالمحور:
إتجاه وسط البلد من الشيخ زايد لكوبري 15 مايو ماشي تمام.
اتجاه الشيخ زايد من كوبري 15 مايو للدائري زحمة و من الدائري للشيخ زايد جميل.

نروح عند كوبري 15 مايو صعب اتجاه وسط البلد.
وبعدين كوبري 15 مايو رايق اتجاه المهندسين.

سوقوا على مهلكم و توصلوا بالسلامة.