أهالى «ملوى» يواجهون عنف الإخوان بـ

على جانبَى بلكونة «إبراهيم» وضع أهالى قرية «سنجرج» بمركز «ملوى» بالمنيا «كاميرات مراقبة» بحجم صغير لتصوير أعمال العنف والتخريب التى يرتكبها أنصار الإخوان بقريتهم كل جمعة، وتوثيق الأحداث بالصوت والصورة، تحت شعار «اللى يخرّب هيتصوّر». أسبوعياً، ينظم «الإخوان» مظاهرات تتخللها أعمال عنف بعد صلاة الجمعة، وهو ما يسميه إبراهيم عبدالمجيد، ابن «ملوى»، «فساد فى الأرض» ويتعجب من الأداء الأمنى بقوله: «قوات الأمن مابتغيرش خططها، بيكتفوا إنهم يتمركزوا كل جمعة فى الميادين الكبيرة وسايبين تجمعات الإخوان فى القرى والمراكز الصغيرة، عشان كده اتفقنا كلنا أى حد عنده بلكونة فى بيته وقادر يشترى كاميرا يحطها عشان تصور كل أفعالهم ونبلغ عنهم بالفيديو»، مضيفاً: «من ساعة فض رابعة والنهضة والإخوان هنا على طول بينزلوا كل جمعة، وفى الفترة الأخيرة عددهم قلّ بس من بعد محاكمات الإعدام الأخيرة لـ528 إخوانى فى المنيا، وكمان جات براءة مبارك وهما مولعين القرية كل جمعة». وعن مظاهر العنف الإخوانى التى دفعت «إبراهيم» وأهالى قريته إلى تعليق «كاميرات المراقبة» فى البلكونات، يقول الشاب العشرينى: «على طول يجمعوا نفسهم الرجالة بسيداتهم وينزلوا بأعلام رابعة وصور مرسى. مشيراً: «بقالنا جمعتين مركبين الكاميرات فى البلكونة، نصور اللى بيعملوه الإخوان وناخده نسلمه فى القسم وبتبقى صورهم واضحة، وفيه 3 إخوان فى المنطقة لحد دلوقتى الكاميرا بتاعتى صوّرتهم .

الوطن