شاهد يكشف تفاصيل وفاة غريق الاستاد:

كشف مصطفى محمد أحد شهود العيان على غرق الشاب محمد بدر بحمامات سباحة استاد القاهرة، عن تفاصيل الواقعة الكاملة، لوجوده في موقع القفز خلف محمد بدر مباشرة.

وقال مصطفى، في مداخلته الهاتفية ببرنامج «العاشرة مساء» على قناة «دريم»: «أنا كنت معاهم اليوم بتاع قفزة الثقة ده، وكنت هنط ورا محمد بدر على طول، وجيه على «محمد» الدور هو والولد اللي جنبه، وجه المدرب وزق محمد بدر عشان ينط فحمام السباحة».

وتابع مصطفى: «محمد وقع في الحمام على صدره ومطلعش من الميه بعد ما اتزق، وزميله اللى نط معاه طلع، والغواصين نزلوا حمام السباحة ووقفوا النط في الحمام، وبعد كده طلعوا قالوا إن شكله طلع من الحمام ومحدش شافه».

واستطرد مصطفى: «بعد كده أنا خفت انط ورجعت لورا، وهما كملوا نط عادي، بس أنا كنت متأكد إنه مطلعش، بس عشان كان فيه عدد كبير أوي معرفتش هو طلع ولا لأ».