لو مش قادر على التكييف مش هتقدر على المروحة!

اختفت الملابس الشتوية بعدما أعلن الطقس ارتفاع الحرارة، والتكييفات تم تنظيفها استعداداً لفصل الصيف، لكن أحمد على، الذى قرر فى العام الماضى شراء تكييف ثم تراجع عن الفكرة بعد ارتفاع سعره، لم يجد أمامه هذا العام سوى البحث عن مروحة جديدة، بعد ارتفاع أسعار التكييفات مجدداً، ورغم الفارق الكبير بين أسعار التكييفات والمراوح، فإن الأخيرة ارتفعت بشكل كبير.

داخل معرض للأجهزة الكهربائية، كان محمد سالم على موعد مع مجموعة من الإجابات عن أسئلة الزبائن: «عشان تجيب تكييف حصان ونص دلوقتى هتدفع من 6-8 آلاف مثلاً، بس الأزمة إن نفس التكييف كان بنحو 3 لحد 5»، بالرغم من تلك الأسعار المرتفعة فإن أحمد على قرر شراء مروحتين جديدتين لمنزله، ضارباً بفكرة التكييف عرض الحائط، نادماً على قراره السابق بعدم الشراء: «غلطت إنى ماجبتوش، بس أنا بالشكل ده مش هجيبه برضه السنة دى، وغالباً هبقى متضايق من قرارى لو زادت الأسعار السنة الجاية»، أسعار المراوح ارتفعت عن العام السابق لأسباب عدة، كان على رأسها تحرير سعر صرف الجنيه، لتصل المروحة العمود من 450 -600 جنيه، والمروحة الـ«بوكس» تبدأ من 260 -400، ومروحة الحائط من 250 -500، والسقف تصل لـ600، وهى أسعار مرتفعة إذا ما قورنت بالعام الماضى.

الوطن