شاب يعتذر لزوجته بلافتة إعلانية..

نشر أحد مستخدمي موقع “فيس بوك” على صفحته الشخصية، صورة تظهر لافته إعلانية ضخمة في الطريق، يهنئ فيها زوجته بعيد ميلادها، ويقدم لها اعتذارا بسبب انشغاله الدائم في العمل.

ويقول صاحب هذه اللافتة أنه تلقى سخرية كبيرة على موقع التواصل الاجتماعي، اتهممه فيها البعض بانعدام الرجولة أو الإسراف في أموال كان من الممكن مساعدة الفقراء بها، ونشر الزوج تعليقا على الصورة يرد به على مهاجيمه، ويؤكد أن الرجولة ليست في القسوة على المرأة أو إهانتها.

يقول الزوج”: اللي مش عاجبه يولع في نفسه، أو يعمل أحسن منها لمراته، وبالنسبة للرجالة اللي بتقول كان جبلها 2 كيلو كباب و كفتة، ده حضرتك لما تكون متزوج بقرة مش إنسانة، واللي بيقول كان المفروض يجيب بالفلوس دي بطاطين للغلابة، الحمد لله أنا عامل أكتر من كده بكتير، واللي بيقول إن ده مش راجل، الرجولة مش إني أضربها أو أشتمها، إذا كنت فاهم الرجولة غلط فده مش ذنبي، وأحب أقول لما سئل النبي عن من أحب الناس إلى قلبه قال عائشة زوجته، ولم يستح أو يخجل من ذلك”.

وجاء أحد التعليقات الإيجابية على تصرف الزوج تثني على رده على مهاجميه، يقول صاحب التعليق “أنا بصراحة معرفش حضرتك، ولكني قرأت البوست اللي للأسف ناس اتكلمت عنه بأسلوب سخرية من وجهة نظرهم، وفرحت جدا لما لقيت حضرتك رديت وبالشكل ده، وكان لازم يترد عليهم، وللأسف في ناس مفيش وراءها غير متابعة الناس وانتقادهم من أجل النقد فقط، ودول من أسوأ أنواع البشر”.

وأضاف إحدى المعلقات ” أنت إنسان حر، واللى بينتقدوك دول غيرانين منك علشان مش مبسوطين فى حياتهم، لكن لو فكروا زيك هيبقوا سعداء ووقتها مش هينتقدوك”.

وقال آخر: “أنا شوفت البوست بتاعك ده منشور على تويتر وقرأته وقولت لازم أدور على “فيس بوك” علشان أشكرك، وبالتأكيد حضرتك مش مستني حد يقيمك أو يقيم رجولتك”.

مصريات