نشطاء “تويتر” يعبرون عن صدمتهم لمحمد رمضان

 

 

نعى نشطاء “تويتر”، المخرج محمد رمضان، الذي تم العثور على جثته منذ قليل في سانت كاترين، بمزيد من الحزن والأسى، وألقوا كل المسئولية على الحكومة، متهمين إياها بالتقصير والإهمال في حياة وأرواح المصريين، وكتبوا في شهادة وفاته: “سبب الوفاة مصري”.

أسامة سرحان: “صباح الخير ياسينا.. آخر ما كتبه المخرج محمد رمضان فقيد تخاذل الدولة في سانت كاترين”.

رشا راضي: “واهو الرابع محمد رمضان المفقود كمان مات.. وكما قال عبد الفتاح السيسى، انتو متعرفوش انكو نور عنينا ولا إيه”.

محمد مجدي: “محمد رمضان آخر ضحايا الفساد والتقاعس عن إنقاذ المفقودين لأنهم مصريون”.

محمد شريف: “محمد رمضان اللى لف عالمحتاجين يوزع عليهم بطاطين تحميهم قرصة النوم في البرد.. مات م البرد”.

جيهان العادلي: “ماكنتش بعرف اشوفه خالص طول الـ18يوم كان عايش في التحرير كان حلمه يشوف مصر جميلة كان بجد إنسان جميل جدا الله يرحمك يا محمد”.

على البهنساوي: “الله يرحمهم.. كلمت أخت محمد رمضان الصبح في التليفون كانت بتعيط لكن كلها أمل يرجع.. والديه متوفيان، ادعوا له بالرحمة ولأهله بالصبر”.

منة: “المخرج محمد رمضان توفى، ياريت لو حضرتك أعمى القلب ولسة شايف إنه إيه اللي وداه هناك تحاول ع الأقل بس تسكت شوية عشان ماتجيبش لنفسك الشتيمة”.

محمد: “كنت على أمل إنه هيبقى لسه عايش ومكنتش عايز اوهم نفسي غير بكده.. البقاء لله”.

بلال: “أستغرب حال حكوماتنا يتكاسلون في إنقاذ أرواح شبابها، والغرب يوفرون كافة الوسائل لإنقاذ قطة!!!!”.

أحمد زيان: “يعني الطيارة طلعت من ساعة واحدة بس، ورجعت بجثة محمد رمضان!.. يعني لو كانت اتحركت من بداية الكارثة كانت رجعت بالكل سالمين.. حسبنا الله ونعم الوكيل”.

أحمد سلطان: النهارده بالليل كان مفروض يتعرض فيلم محمد رمضان “حواس” الفائز بجائزة المهرجان القومي للسينما في مركز سينما الحضارة بالأوبرا.. وكأن القدر مرتبلك كل حاجة يا محمد لحد تأبينك.. ربنا يرحمك”.

ابتهال: “محمد رمضان سبب الوفاة مصرى!! البدو هما اللى لقوا محمد رمضان مش أجهزة الدولة زى ما هما اللى لقوا الـ3 جثث”.

هيثم: “العثور على جثة محمد رمضان المفقود في سانت كاترين.. اوعي حد يزعل.. انتم متعرفوش انكم نور عنينا”.

ميرنا: “مات متجمدًا آخر أمل في بقاء أحد على قيد الحياة، محمد رمضان مفقود سانت كاترين ليحكي لنا ما تبقى من الإنسان المصري”.

أحمد مجدي: “كان كاتب على صفحته فلنهرب إلى الطبيعة.. ربنا يرحمه هو راح للى أحن عليه من بلده”.

باسم كامل: “المخرج محمد رمضان اللى كان بيلف عالمحتاجين يوزع عليهم بطاطين في القرى والعشوائيات تحميهم من قرصة النوم في البرد.. مات من البرد والتقصير”.

يذكر أن محمد رمضان كان معه 8 من أصدقائه في رحلة تسلق بجبل الزعتر بمنطقة وادي الجبال بسانت كاترين، وفُقد الاتصال بهم نتيجة سوء الأحوال الجوية وهبوب عاصفة ثلجية، وجرى إنقاذ 4 أشخاص، والعثور على 3 جثث، وكانت الجثة الرابعة للمخرج محمد رمضان، والتي تم العثور عليها منذ قليل.

 

فيتو